Лондоннинг "Арсенал" клуби Туриннинг "Ювентус" клуби ҳужумчиси Душан Влаховичнинг хизматларидан манфаатдор, деб хабар берди ижтимоий тармоқдаги журналист Руди Галетти.
Манбага кўра, шахсан Микель Артета Сербия терма жамоаси ўйинчисини ўз жамоаси сафида кўришни истайди, бироқ трансфер амалга ошмаса, "канонирлар" Лерой Сане ("Бавария"), Жейми Байно-Гиттенс ("Боруссия" Дортмунд), Брайан Мбеумо ("Брентфорд") ни сотиб олиш вариантини кўриб чиқадилар.
Влаховичнинг Турин клуби билан шартномаси 2026 йилнинг ёзига қадар мўлжалланган. Transfermarkt портали уни 60 миллион еврога баҳоламоқда.
