Londonning "Arsenal" klubi Turinning "Yuventus" klubi hujumchisi Dushan Vlaxovichning xizmatlaridan manfaatdor, deb xabar berdi ijtimoiy tarmoqdagi jurnalist Rudi Galetti.
Manbaga ko‘ra, shaxsan Mikel Arteta Serbiya terma jamoasi o‘yinchisini o‘z jamoasi safida ko‘rishni istaydi, biroq transfer amalga oshmasa, "kanonirlar" Leroy Sane ("Bavariya"), Jeymi Bayno-Gittens ("Borussiya" Dortmund), Brayan Mbeumo ("Brentford") ni sotib olish variantini ko‘rib chiqadilar.
Vlaxovichning Turin klubi bilan shartnomasi 2026 yilning yoziga qadar mo‘ljallangan. Transfermarkt portali uni 60 million yevroga baholamoqda.
