"Интер" бош мураббийи Симоне Индзаги "Аталанта" билан Италия Суперкубоги ярим финал учрашувидан олдинги фикрлари билан ўртоқлашди.
"Суперкубок биз учун катта аҳамиятга эга ва биз уни ютиб олишни истаймиз. Чемпионатда ҳам, Чемпионлар лигасида ҳам ажойиб натижа кўрсатаётган икки жамоа тўқнаш келади. “Аталанта”нинг ўтган мавсумда Европа лигасида ғалаба қозонишдан ташқари энг катта ютуғи шундаки, улар узоқ йиллар давомида энг юқори савияда ўйнамоқда. "Аталанта" билан барча ўйинлар каби бу биз учун жуда қийин ўйин бўлади.
Бу жуда муҳим турнир, биз сўнгги уч йилда ғалаба қозондик. Биз ажойиб ўйин ўтказиб, финалга чиқишни истаймиз, аммо қолган уч жамоанинг мақсади “Интер” билан бир хил эканини биламиз", - дейди Индзаги.
“Интер” – “Аталанта” учрашуви 2 январь куни, Тошкент вақти билан соат 00:00да бошланади.
