"Аталанта" бош мураббийи Жан Перо Гасперини "Интер" билан Италия Суперкубоги ярим финал учрашувидан олдинги фикрлари билан ўртоқлашди.
"Лигадаги муваффақиятли юришимиз ва А Серия тепасида турганимиздан сўнг, бу муҳим ўйин, гарчи у чемпионатдагидан фарқ қилса ҳам. Бу бошқача бўлади, бу 90 дақиқалик ўйин ва бу нокаут ўйин ва сиз бунга бошқача қарашингиз керак.
Аввало, "Интер"нинг сўнгги уч йилдаги ютуқлари ҳақида ўйлаш керак, улар энг кучли жамоадир. Охирги икки ўйин энг оғир бўлди, қолганлари мувозанатлироқ ўтди.
Узоқ вақт давомида Италия жамоалари еврокубокларда ғалаба қозона олмади. Буни амалга оширганимиз, айниқса, Европа лигасидаги йўлимизни ҳисобга олсак, биз учун катта ғурур ва катта лаҳза бўлди", - деди Гасперини.
