Эрон футбол федерациясининг Этика қўмитаси “Истиқлол” ҳимоячиси Рамин Ризоянни спортчига хос бўлмаган хатти-ҳаракатлари учун 510 миллион Эрон риали (12 000 доллардан ортиқ) миқдорида жаримага тортди.
ОАВ маълумотларига кўра, воқеа 26 декабрь куни Эрон чемпионатининг “Чадормалу”га қарши ўйинидан олдин содир бўлган: мухлислардан бири “Истиқлол” клуби автобусига кириб, Ризоянни қучоқлаган. У эса номақбул ҳаракатлар қилган.
Шундан сўнг Эрон футбол федерациясининг Этика қўмитаси Резаянни йиғилишга чақириб, воқеа ҳолатларига ойдинлик киритди. Учрашув натижасига кўра, футболчига "спортга хос бўлмаган хатти-ҳаракати" учун 510 миллион Эрон риали миқдорида жарима шаклида санкциялар қўлланилди.
Ризоян 34 ёшда. У Эрон терма жамоаси сафида 63 та ўйин ўтказган, 2018 йилда Россияда ва 2022 йилда Қатарда бўлиб ўтган жаҳон чемпионатларида иштирок этган.
Футболчи Европада Туркиянинг “Ризеспор” ва Белгиянинг “Остенда” клубларида ўйнаган.
