"Лестер" Англия премьер-лигасининг молиявий қоидаларини бузганликда яна бир айбловга учраши мумкин. Бу ҳақда The Guardian хабар бермоқда.
Манбага кўра, Премьер-лига ҳуқуқшунослари клуб қонунбузарликларга йўл қўйган ёки йўқлигини аниқлаш учун кейинги икки ҳафта давомида кўрсаткичларни баҳолайди.
Санкция қўллаш тўғрисидаги қарор 13-январь куни эълон қилиниши кутилмоқда. Қайд этилишича, “Лестер” яна бир айбловдан қутула олишига ишонч билдирган.
Эслатиб ўтамиз, 2024 йилнинг март ойида Премьер-лига "Лестер"ни 2022/2023 йилги мавсумдаги молиявий қоидабузарликларда айблаганди.
Клуб дастлаб ишни кўриб чиқиш бўйича комиссия ваколатига эътироз билдирган, бироқ даъво рад этилган.
Кейинчалик бу қарор устидан апелляция шикояти берилди ва у қаноатлантирилди. Шу сабабли клуб молиявий қоидаларни бузгани учун жорий мавсум бошида 24,4 миллион фунт стерлинг миқдорида жарима тортилган эди.
