"Барселона" бош мураббийи Тито Виланова жамоасининг бўлажак аъзоси Неймар ҳақида ўз фикрларини билдириб ўтди.
"Рахбариятимизни буни амалга ошира олганлари билан табриклайман. Неймарни ҳам, чунки у энг муҳими пул эмас, спорт бўлган клубни танлади. Ишонаманки, бразилиялик Европада ҳам ўзини яхши томондан намойиш эта олади ва "Барселона"ни кучайтиради. Неймар - айнан биз сотиб олишни хоҳлаган футболчи.
У билан шартнома ишлари бундан икки ярим йил муқаддам бошланганди. Ва ниҳоят, клуб ажойиб ишни якунига етказди. Худди ўтган йили Хорди Алба билан бўлгани каби", дейди Виланова.
Эслатиб ўтамиз, Мадриднинг "Реал"и "Сантос"га Каталония клубига қараганда кўпроқ пул таклиф қилганди. Аммо футболчининг ўзи "Барса"га келишни афзал кўрди.
Marca нашри маълумотларига кўра, 21 ёшли хужумчи янги клубида йилига 7 миллион евро маош олади. Трансфернинг умумий суммаси эса таҳминан 50 миллион еврони ташкил этган.
