"Наполи" "Челси" марказий ҳимоячиси Ренату Вейгани сотиб олмоқчи. Бу ҳақда инсайдер Фабрицио Романо хабар бермоқда.
Манбага кўра, 21 ёшли португалиялик футболчига "Наполи" қизиқиш билдирмоқда. Италия гранди ҳимоячини январда ижарага олмоқчи, бироқ бошқа клублар ҳам футболчига этибор қаратмоқда, дейди журналист.
Шу билан бирга, "Челси" бош мураббийи Энцо Мареска учун Вейга жуда муҳим экани, шу боис футболчининг қишда қўйиб юборилиши ҳозирча маълум эмаслиги айтилмоқда.
Жорий мавсумда Вейга барча мусобақаларда 17 та ўйин ўтказиб, 2 та гол урди ва битта голли узатмани амалга оширди.
