Франкфуртнинг "Айнтрахт" клуби марказий ҳужумчиси Омар Мармуш "Манчестер Сити"га ўтишга қизиқмоқда.

Журналист Санти Ауна хабарига кўра, "Манчестер Сити" 25 ёшли футболчи билан музокара олиб борган ва эҳтимолий трансфер бўйича таклиф билан чиққан. Хабар қилинишича, Мармуш таклиф қилинган лойиҳани ёқтирган ва кўчиб ўтишга қизиқмоқда.

Қайд этилишича, "Манчестер Сити" ҳали "Айнтрахт" билан музокарага киришмаган. Манбанинг таъкидлашича, Мармуш хизматларига "Тоттенхэм", "Ливерпуль" ва "Арсенал" ҳам қизиқиш билдирмоқда.

Transfermarkt экспертлари Мармушнинг нархини 60 миллион еврога баҳоламоқда.