"Манчестер Юнайтед"нинг янги бош мураббийи Рубен Аморим аргентиналик вингер Алехандро Гарначони можаро туфайли "Манчестер Сити"га (2:1) қарши ўйинда қайдномадан четлаштиришга қарор қилди. Бу ҳақда журналист Крис Уилер ёзади.
Гап шундаки, “Виктория” билан Европа Лигаси ўйинида футболчи португалияликдан кўрсатма олиб, уни бажармаган. Бу эса мутахассиснинг норозилигига сабаб бўлди. Аморим бу ишорани шахсий ҳақорат сифатида қабул қилди.
Манчестер жамоаси бош мураббийи Гарначони Гвардиола жамоаси билан ўйин учун қайдномага киритмаган ва кейинги учрашувларда футболчи фақат захира ўриндиғида майдонга тушган. Жорий мавсумда Алехандро “Манчестер Юнайтед” сафида 28 та ўйинда майдонга тушиб, 8 та гол ва 4 та голли узатмага муаллифлик қилган.
