Янги мавсумга ҳозирлик кўришни бошлаган "Локомотив" черногориялик футболчи Момчило Рашо билан шартнома имзолади. Ушбу футболчи ўтган мавсумни "Бунёдкор" таркибида ўтказганини мухлислар жуда яхши билади.
Маълумот учун, Момчило Рашо 1997 йил 6 февраль куни Черногориянинг Котор шаҳрида туғилган. Бўйи 186 см бўлган ушбу футболчи марказий ҳимоя чизиғида ҳаракат қилади. Рашо ўтган йил Суперлигада 17та ўйин ўтказиб, битта гол урган.
"Момчило Рашога бўлажак мавсумда омад тилаган ҳолда "темирйўлчилар" сафига хуш келибсан деб қоламиз" - дейилади "темирйўлчилар"нинг расмий баёнотида.
