Рональд Араухо "Барселона" Дани Ольмони рўйхатдан ўтказа олмаганидан афсусда.
Кеча Ла Лига ва Испания Қироллик футбол федерацияси Дани Ольмо ва Пау Викторни рўйхатга олишдан бош тортганини эълон қилди. "Барселона" Олий спорт кенгашига мурожаат қилмоқчи.
"Биз ўртоқларимиз учун қайғурамиз. Умид қиламизки, клуб Ольмо ва Пау Виктор билан муаммони ҳал қила олади. Умид қиламанки, муаммони ҳал қилиш мумкин. Ҳозирча биз бор эътиборимизни олдинда турган нарсага – Испания Суперкубогига қаратишимиз керак" - деди "Барселона" ҳимоячиси Испания кубоги доирасида "Барбастро" устидан қозонилган ғалабадан сўнг (4:0).
