Пау Виктор рўйхатдан ўтишдаги муаммолар фонида "Барселона"га ишонади.
Аввалроқ Ла Лига ва Испания Қироллик футбол федерацияси (RFEF) "Барселона"ни мавсумнинг иккинчи қисмига Виктор ва Дани Ольмони рўйхатдан ўтказишни рад этганди. Клуб Олий спорт кенгашига мурожаат қилмоқчи.
Mundo Deportivo хабарига кўра, Виктор хавотирга қарамай, вазиятни қабул қилади ва "Барселона" уни рўйхатдан ўтказа олишига ишонади. Ҳужумчи раҳбарият томонидан кўрилаётган ҳаракатларни кўради ва клуб кўрсатмаларига мувофиқ ҳаракат қилади.
Пау Викторнинг "Барселона" билан шартномаси 2029 йилгача амал қилади, унда рўйхатдан ўтиш билан боғлиқ муаммолар бўлса, жамоадан кетиш банди назарда тутилмаган.
