"Милан" бош мураббийи Сержиу Консейсау Италия Суперкубоги ярим финалида "Ювентус" билан ўйинда кийиниш хонасида телевизорни синдириб ташлади, деб хабар бермоқда Gazzetta нашри.
Консейсау биринчи бўлимдан кейин 0:1 ҳисобида мағлуб бўлаётган жамоасининг ўйинидан норози бўлди. Мураббий телевизорни урди ва у ерга тушиб кетди. Иккинчи бўлимда миланликлар иккита гол уриб, ғалаба қозонишди.
"Милан" футболчилари "Интер" билан финал учрашувида (3:2) ўзларининг кучли иродали фазилатларини кўрсатишди. 47-дақиқага келиб иккита гол ўтказиб юборган "россонерлар" учта гол уриб, кубокни қўлга киритишди.
