Нико Уильямс фаолиятини Премьер-лигада давом эттириши мумкин.
"Атлетик" вингерига "Арсенал" ва "Челси" қизиқиш билдирмоқда, дея хабар беради The Athletic. "Ливерпуль" ўтган ёзда футболчини сотиб олиш вариантини кўриб чиқди.
"Канонирлар" бош мураббийи Микель Артета ушбу трансфер ойнасида Уильямсни қўлга киритишни истайди, аммо юқори нарх туфайли бу даргумон. Испаниялик футболчининг товон пули 60 миллион евродан озроқ. Уильямснинг ўзи январда Бильбао клубини тарк этмоқчи эмас.
Ёзги трансфер эҳтимоли кўпроқ.
Ла Лиганинг жорий мавсумида Нико 17 та ўйин ўтказиб, 1 та гол урди ва 3 та голли узатмани амалга оширди.
