"Ювентус"дан ижарага олинган "Лацио" ярим ҳимоячиси Николо Ровелла фаолиятини Англияда давом эттириши мумкин.
23 ёшли футболчини қишки трансфер ойнасида ярим ҳимоячи позициясини мустаҳкамлашга умид қилаётган "Манчестер Сити" мақсад қилиб қўймоқда. Il Messaggero хабарига кўра, "шаҳарликлар" италияликнинг трансфери учун тахминан 40 миллион евро тўлашга тайёр.
Николо Ровелла ушбу мавсумда "Лацио" сафида 23 та ўйинда майдонга тушиб, 2 та голли узатмани амалга оширган. Ўтган йилнинг ноябрида футболчи Италия терма жамоасида Бельгияга қарши Миллатлар лигаси ўйинида дебют қилган.
