"Ливерпуль" сардори Виржил ван Дейкнинг шартномаси жорий мавсум охирида якунига етади.
Таниқли инсайдер Фабрицио Романонинг сўзларига кўра, мерсисайдликлар бошлиқлари нидерландиялик марказий ҳимоячи билан келишувга эриша олишларига тўлиқ ишонч билдиришган. 33 ёшли футболчининг ўзи ҳам қолишни афзал кўрмоқда. Ҳар икки томоннинг ижобий муносабатига қарамай, музокараларда ҳозирча жиддий силжиш кузатилмаган.
Виржил ван Дейк жорий мавсумда "Ливерпуль" сафида 25 та ўйинда майдонга тушиб, 2 та гол урди ва 1 та голли узатмани амалга оширди. Марказий ҳимоячи 2018 йилнинг январь ойидан буён "қизиллар" сафида тўп тепмоқда.
