"Liverpul" sardori Virjil van Deykning shartnomasi joriy mavsum oxirida yakuniga yetadi.

Taniqli insayder Fabrisio Romanoning so‘zlariga ko‘ra, mersisaydliklar boshliqlari niderlandiyalik markaziy himoyachi bilan kelishuvga erisha olishlariga to‘liq ishonch bildirishgan. 33 yoshli futbolchining o‘zi ham qolishni afzal ko‘rmoqda. Har ikki tomonning ijobiy munosabatiga qaramay, muzokaralarda hozircha jiddiy siljish kuzatilmagan.

Virjil van Deyk joriy mavsumda "Liverpul" safida 25 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Markaziy himoyachi 2018 yilning yanvar oyidan buyon "qizillar" safida to‘p tepmoqda.