"Атлетик Бильбао" бош мураббийи Эрнесто Вальверде жамоаси "Барселона"га қарши ўйнайдиган Испания Суперкубоги ярим финалидан умидлари билан ўртоқлашди.
"Биз ушбу Суперкубокни интиқлик билан кутмоқдамиз. Бизнинг мақсадимиз ўзимизга боғлиқ бўлган ҳамма нарсани қилишга ҳаракат қилишдир. Бизни ажойиб рақибга қарши қийин ўйин кутиб тургани аниқ. Мавсумнинг биринчи қисмида "Барселона" ақл бовар қилмайдиган стандарт ўрнатди, уларга қаршилик кўрсатишнинг иложи йўқ эди, аммо сўнгги бир ярим ой ичида улар керакли натижага эриша олмади. Аммо шуни таъкидлаш керакки, улар майдонда устунлик қилишда давом этишади", - дея Вальверде сўзларини келтиради клуб матбуот хизмати.
Бугун, 8 январь куни Саудия Арабистонида "Атлетик Бильбао" ва "Барселона" жамоалари ўзаро баҳс олиб боришади.
