Дарвозабон Лорис Кариус янги клуб излашда давом этмоқда.
Немис футболчиси ўтган ёзда Англиянинг "Ньюкасл" клубини тарк этганидан бери эркин агент сифатида қолмоқда.
"Ливерпул"нинг собиқ дарвозабони Италияда ўйнашни хоҳлаган, аммо ҳеч қачон қандай аниқ таклиф олмаган.
Журналист Николо Скиранинг ёзишича, Кариусга Бирлашган Араб Амирликлари клуби мурожаат қилган, бироқ футболчининг Европада ўйнашни давом эттириш истаги туфайли бу таклиф рад этилган.
31 ёшли дарвозабон билан яқинда «Шальке-04» клуби боғланди. Германия иккинчи Бундеслигаси вакили Кариус учун жорий мавсум охиригача амал қиладиган шартнома тайёрлади.
