"Атлетико Мадрид" "Барселона" билан курашда ҳомийлик таклифини ютиб олди.
Бугун Мадрид жамоаси Red Bull билан ҳамкорликни эълон қилди. Энергетик ичимликлар ишлаб чиқарувчи компания клуб билан 2027 йилнинг июнигача шартнома имзолади.
Қайд этилишича, Riyadh Air "Атлетико"нинг бош ҳомийси бўлиб қолади - уларнинг келишуви йилига 40 миллион евро тўлашни назарда тутади. Бироқ, Red Bull билан келишув пойтахт жамоасига жуда яхши пул олиб келади ва бутун дунё бўйлаб унинг бренди тан олинишига ҳисса қўшади.
Журналист Рубен Уриянинг таъкидлашича, "Барселона" ҳам Red Bull билан келишувга эришмоқчи бўлган, аммо "Атлетико" уларни ортда қолдирган.
