"Тоттенхэм" ярим ҳимоячиси Родриго Бентанкур "Ливерпуль"га қарши ўйинда майдонга йиқилиб, кислород ниқобли замбилда майдонни тарк этди. Лондон жамоаси бош мураббийи Анге Постекоглу уругвайлик футболчининг ҳолатига янги изоҳ берди.
"Яхши хабар. Бентанкур касалхонада эди ва ҳаммаси жойида эканлигига ишонч ҳосил қилиш учун барча тестлардан ўтди. Ҳаммаси яхши. У уйига қайтди ва ўзини яхши ҳис қилмоқда. Яхшиямки, бу мия чайқалишига ўхшайди, бошқа ҳеч нарса йўқ. Энди биз протоколларга амал қиламиз. У бир неча ҳафта дам олади", деди Постекоглу журналистларга.
