"Манчестер Юнайтед" чап қанот ҳимоячиси Тирелл Маласиага "Комо"дан қизиқиш билдирмоқда.
Италия клуби ўз таркибини кучайтириш устида ишламоқда ва нидерландиялик футболчи уларнинг трансфер мақсадларидан бири сифатида белгиланган.
Маласиа ушбу мавсумда "қизил иблислар" сафида бешта ўйинда майдонга тушди. У жиддий жароҳатидан фақат ноябрь ойида тузалиб кетди, шу сабабли футболчи ўтган мавсумни бутунлай ўтказиб юборди.
Transfermarkt портали экспертлари фикрича, футболчининг нархи 15 миллион еврони ташкил қилади. Нидерландиялик футболчининг "Юнайтед" билан шартномаси 2026 йилгача мўлжалланган.
