Халқаро шахмат федерацияси тизимидаги сhess.com тизими 2024 йилда шахмат турнирларида энг катта мукофот пулларини қўлга киритган шахматчилар рўйхатини эълон қилди.
Келтирилган рўйхатга кўра, 2024 йил классик шахмат бўйича жаҳон чемпионлигига эришган ҳиндистонлик Гукеш Доммаражу 1 миллион 577 минг 842 доллар, Дин Лижэнь 1 миллион 183 минг 600 доллар, Магнус Карлсен 639 минг 369 АҚШ доллари билан дунёнинг энг даромадли шахматчилари сифатида эътироф этилди.
Эътиборли жаҳати, ҳамюртимиз Нодирбек Абдусатторов ортда қолган 2024 йилда 132 минг 981 АҚШ долларини қўлга киритган ҳолда дунёнинг энг даромадли ўн иккинчи шахматчиси сифатида қайд этилди.
Эслатиб ўтамиз, Абдусатторов ўтган йилги 12 та нуфузли турнирда шунча маблағни қўлга киритган.
Шу ўринда яна бир гап. Айни кунларда биринчи рақамли шахматчимиз Нодирбек Абдусатторов жорий йилнинг 17 январь куни Нидерландиянинг Вейк-ан-Зее шаҳрида бошланадиган "Tata Steel Chess-2025" мусобақасига ҳозирлик кўрмоқда.
