"Барселона" ярим ҳимоячиси Педри каталониялик футболчилар Дани Ольмо туфайли Испания терма жамоасига бойкот қилмоқчи бўлганлари ҳақидаги хабарларга жавоб қайтарди.
Аввалроқ, агар ярим ҳимоячи Дани Ольмо мавсумнинг иккинчи қисмида рўйхатдан ўтмаган бўлса, "Барселона"нинг 6 нафар футболчиси терма жамоада ўйнашдан бош тортишга тайёрлиги ҳақида хабар берилганди.
"Бу сохта хабар. Футболчилар учун Испания терма жамоасида ўйнаш ҳар доим катта шарафдир. Буни ким ўйлаб топганини билмайман. Умид қиламанки, бунга ҳеч ким ишонмади" - деди Педри матбуот анжуманида.
22 ёшли ярим ҳимоячи Испания терма жамоаси сафида 30 та ўйин ўтказиб, 2 та гол урди ва 2 та голли узатмани амалга оширди.
