Ҳужумкор ярим ҳимоячи Хвича Кварацхелия "Наполи"ни тарк этиб, бошқа жамоага ўтиш истагини билдирди. Грузиялик футболчи катта эҳтимол билан фаолиятини "ПСЖ"да давом эттиради.
Италия матбуоти хабарига кўра, неаполликлар Кварацхелияга ўринбосар сифатида "Манчестер Юнайтед"дан Алехандро Гарначони аниқлашган.
Sportitalia хабарига кўра, "Наполи" Гарначо учун 50 миллион евро таклиф қилишга тайёр. Transfermarkt портали мутахассислари 20 ёшли аргентиналик учун шундай нархни тахмин қилишмоқда.













