Ярим ҳимоячи Ватару Эндо "Аккрингтон Стэнли"га қарши кубок учрашувида марказий ҳимояда ҳаракат қилди. Япониялик футболчи бу борада ўз фикрларини билдирди.
"Мен 18 ёшдан 25 ёшгача ҳимоячи сифатида ўйнаганман, шунинг учун ҳимояда ёки "олтилик" сифатида ўйнашимнинг фарқи йўқ. Мен фақат қўлимдан келганини қиламан. Мураббий билан ўз позициямни муҳокама қилмайман. Ҳозир Гомес жароҳат олди ва Конате эндигина қайтмоқда, шунинг учун мен ўйнадим. Мураббий мени ҳимоя марказига қўйиш тактикани амалга ошириш учун яхши вариант деб ўйлади. Умид қиламанки, мен келажакда кўпроқ ўйнайман", - деди Эндо Goal билан суҳбатда.
"Ливерпул"нинг навбатдаги ўйини 14 январь куни "Ноттингем Форест"га қарши ўтказилади.
