Yarim himoyachi Vataru Endo "Akkrington Stenli"ga qarshi kubok uchrashuvida markaziy himoyada harakat qildi. Yaponiyalik futbolchi bu borada o‘z fikrlarini bildirdi.
"Men 18 yoshdan 25 yoshgacha himoyachi sifatida o‘ynaganman, shuning uchun himoyada yoki "oltilik" sifatida o‘ynashimning farqi yo‘q. Men faqat qo‘limdan kelganini qilaman. Murabbiy bilan o‘z pozisiyamni muhokama qilmayman. Hozir Gomes jarohat oldi va Konate endigina qaytmoqda, shuning uchun men o‘ynadim. Murabbiy meni himoya markaziga qo‘yish taktikani amalga oshirish uchun yaxshi variant deb o‘yladi. Umid qilamanki, men kelajakda ko‘proq o‘ynayman", - dedi Endo Goal bilan suhbatda.
"Liverpul"ning navbatdagi o‘yini 14 yanvar kuni "Nottingem Forest"ga qarshi o‘tkaziladi.
