"Барселона" марказий ҳимоячиси Пау Кубарси профессионал фаолиятидаги илк совринни қўлга киритди. 17 ёшли футболчи Испания Суперкубоги финалида “кўк-анорранглилар”нинг “Реал”ни мағлуб этишига ёрдам бериб, совринни боши узра баланд кўтарди. Учрашув 5:2 ҳисобида якунланди.
"Ҳаётимдаги клуб билан биринчи совринимни қўлга киритганимдан жуда хурсандман. Айниқса, ташқаридан тарқалаётган барча миш-мишларни ҳисобга олсак, бу ғалаба бизга жуда керак эди", - деди ёш марказий ҳимоячи интервьюда.
Пау Кубарси Каталония грандининг асосий таркибида 52 та ўйин ўтказган бўлса, шулардан 28 таси жорий мавсумда бўлган. 22 январь куни вундеркинд бола 18 ёшга тўлади.
