"Витория Гимарайнш" клубининг ўнг қанот ҳимоячиси Алберту Кошта "Ювентус"га ўтади. Туринликлар 12 миллион евролик расмий таклиф тайёрладилар. Бу Лиссабоннинг "Спортинг" клуби таклиф қилганидан кўпроқ, дея хабар беради журналист Фабрицио Романо.
Томонлар келишувга яқин, 21 ёшли футболчининг ўзи ҳам "бьянконерлар"га ўтиш бўйича келишувни тасдиқлаш арафасида. Алберту Кошта ушбу мавсумда "Витория Гимарайнш" сафида 20 та ўйинда майдонга тушиб, битта гол урди ва 3 та голли узатмани амалга оширди.
Transfermarkt портали португалиялик ҳимоячининг нархини 1 миллион еврога баҳоламоқда. Футболчининг амалдаги шартномаси 2028 йилгача мўлжалланган.
