Алехандро Гарначо фаолиятини "Наполи"да давом эттириши мумкин.
Неаполликлар жамоаси бош мураббийи Антонио Конте аргентиналик футболчини Хвича Кварацхелияга ўринбосар сифатида кўраётгани аввалроқ хабар қилинганди.
Журналист Альфредо Педулла хабарига кўра, италияликлар аллақачон "Манчестер Юнайтед" вингери учун 40 миллион евро ва 5 миллион бонус таклиф қилишган. Манкунианликлар 60 миллион фунт стерлинг (тахминан 71 миллион евро) олишни исташмоқда, бироқ бу нарх арзонлашиши мумкин.
Гарначо жорий мавсумда Премьер-лигада 19 та ўйинда майдонга тушиб, 3 та гол урди ва 1 та голли узатмани амалга оширди.
