"Челси" бош мураббийи Энцо Маресканинг фикрича, унинг жамоаси "Борнмут"га қарши ўйинда (2:2) ғалаба қозониши керак эди.
"Ўйлашимча, биринчи бўлим мазмунини инобатга олган ҳолда ғалаба қозонишимиз керак эди. Биз учта гол уришимиз керак эди. Танаффусдан сўнг гол ўтказиб юборган жамоамиз таслим бўлди, аммо яратилган кўплаб имкониятлар билан ғалаба қозонишга ҳақли эдик.
Бугунги биринчи бўлим мавсумнинг энг яхшиларидан бири бўлди. Агрессив ҳаракат қилдик ва вазиятлар яратдик. Ягона ёмон томони шундаки, ўтказиб юборилган голдан кейин руҳиятимиз пасайди. Ўйин тўлиқ бизнинг назоратимиз остида эди", деди Мареска.
