Франциянинг "Марсель" клуби Поль Погбани текинга олмоқчи.
Италиянинг La Gazzetta dello Sport нашри хабарига кўра, 31 ёшли франциялик ярим ҳимоячи Францияда қолиши мумкин. Лига 1да иккинчи ўринда бораётган "Марсель" қишда унга шартнома таклиф қилиши кутилмоқда.
2023 йилнинг сентябрида Погба допинг тести ижобий чиққани учун футболдан четлаштирилган, ўтган йилнинг охирида эса "Ювентус" шартномасини бекор қилишга қарор қилганди. Бу йил француз янги клубида машғулотларни бошлаши мумкин, март ойида эса юлдуз ярим ҳимоячи футбол майдонига чиқиши мумкин.
Яна шуни қўшимча қилиш керакки, Поль Погба Франция терма жамоаси билан 2018 йилги жаҳон чемпиони ва 2013 йилдан 2016 йилгача "Ювентус" билан тўрт карра Италия чемпиони бўлган.
