Килиан Мбаппе "Реал"даги ўйинлари учун жуда кўп танқидларга учради. “Арсенал” ва Франция терма жамоаси афсонаси Тьерри Анри ҳам “Лос-Бланкос” ҳужумчисининг ўйинларини диққат билан кузатиб бормоқда. RMC Sport нашрига берган интервюсида у Мбаппе ҳозир тўғри йўлда эканини таъкидлади.

"Голлар борасида унинг "Реал"даги бошланиши ёмон бўлди деб айта олмайсиз. Энди унинг бутун мавсум давомидаги ҳаракатлаи ва ўйин услуби одамларда кўп саволлар туғдиради.

Дарвозага тескари ўйнашни ўрганиш учун вақт керак, лекин сиз ўрганасиз. Буни айтишим мумкин, чунки бошида мен ҳам буни қила олмадим. Тараққиёт бўлиши керак ва Килиан бунга қодир", деди Тьерри Анри.

Жорий мавсумда Килиан Мбаппе 27 та ўйинда майдонга тушиб, 14 та гол урди ва 3 та голга ассистентлик қилди.