Мадриднинг “Реал” клуби Испания Суперкубоги финалида “Барселона”дан учралган аламли мағлубиятдан (2:5) кейинги вазиятни таҳлил қилмоқда.
Fichajes нашри хабарига кўра, Мадрид клуби президенти Флорентино Перес жамоадан 3 нафар футболчини четлаштиришга қарор қилган. Шу тариқа, "қаймоқранглилар" раҳбари ҳимоячилар Лукас Васкес ва Ферлан Менди, шунингдек, ярим ҳимоячи Аурелиен Тчуаменини таркибда кўришни истамаяпти.
Эслатиб ўтамиз, аввалроқ Тчуаменини Англия Премьер-лигасининг бир қанча топ-клублари ўз сафида кўрмоқчи бўлишаётгани ҳақида миш-мишлар тарқалган эди. Мадриднинг "Реал" клуби айни дамда Испания чемпионати турнир жадвалида иккинчи ўринда бормоқда. Карло Анчелотти шогирдлари навбатдаги ўйинини 16 январь куни Испания кубоги доирасида "Сельта"га қарши ўтказади.
