"Барселона" бош мураббийи Ханс-Дитер Флик дунёнинг энг яхши футболчиси ҳақидаги саволга жавоб берди. Чоршанба куни Каталония гранди Испания кубоги 1/8 финалида "Бетис"ни 5:1 ҳисобида мағлуб этди.
Учрашув якунланганидан сўнг "блауграна" ярим ҳимоячиси Гави Ламин Ямални Лионель Месси билан солиштиришдан маъно кўрмаслигини, лекин унинг 17 ёшли жамоадошини айни дамда дунёнинг энг яхши футболчиси деб билишини айтди.
"Гави жуда ҳиссиётли йигит, лекин ҳа, шуни ҳам айтаманки, Ламин Мессидан кейин дунёнинг энг яхшиси. Ямал тўғри йўлда, биз унга ғамхўрлик қилишимиз керак. У жуда ёш", деди Флик.
