Италиялик собиқ ярим ҳимоячи Жанфранко Дзола узоқ йиллар Англияда ўйнаган ва маҳаллий футболнинг ўзига хос жиҳатларидан яхши хабардор.
Италиялик журналистлар Дзоладан "Милан"нинг Кайл Уокерга бўлган қизиқиши ҳақида қандай фикрда эканлигини сўрашди.
Дзоланинг ишончи комилки, ким Уокерни қўлга киритса, ўз жамоасини анча кучайтиради.
"Уокер сайёрадаги энг жисмоний талабчан чемпионат - Англия чемпионатида ўйнайди. У Италияга осон мослашишига шубҳа қилмайман.
У А Серияда порлаш учун барча фазилатларга эга. У ҳар қандай клубни кучайтиради", – дея Дзоланинг сўзларини келтиради pianetamilan.it.
