Саудия Арабистони Испания Суперкубогини яна 5 йилга узайтириши мумкин.
Олдинроқ Испания Қироллик футбол федерациясининг (RFEF) янги президенти Рафаэль Лузан: "Биз бу ерда аёллар футболини ривожлантириш ғояси устида ишлаяпмиз. Ҳозирча тасдиқлай олмайман, лекин нега аёллар ўртасидаги Испания Суперкубоги Саудия Арабистонида ўтказилмаслиги керак?" - деди.
Relevo нашрининг хабарига кўра, бу испан томонининг ёки шахсан Лузаннинг ташаббуси эмас. Бу саудияликларнинг талаби ва бу Осиё мамлакатида эркаклар Суперкубогини ўтказиш бўйича RFEF билан амалдаги келишувни яна беш йилга узайтириш учун калит бўлиши мумкин.
