Амад Диалло сўнгги йилларда "Манчестер Юнайтед" футболчилари орасида Премьер-лигадаги илк хет-трикнинг муаллифига айланди.
22 ёшли футболчи ўз жамоаси учун иродали ғалабани қўлга киритишга ёрдам берди (3:1), у "Саутгемптон" дарвозасига уч бор йўл топди. Бу "қизил иблислар" вакилининг деярли уч йил ичида Англия чемпионатидаги илк хет-трики. Диаллодан олдин "Юнайтед" сафида АПЛда учта голни Криштиану Роналду киритганди (2022 йил апрель ойида "Норвич"га қарши ўйинда).
Португалиялик юлдуз ўша йилнинг ноябрь ойида манқуниликлар сафини тарк этди. 2023 йил бошидан бери у Саудия Арабистонининг "Ан-Наср" жамоасида ўйнамоқда.
