ФИФА рейтинги башоратларига мувофиқ, 6 июнь куни эълон қилинадиган янги рейтингда Ўзбекистон терма жамоаси Эронни ортда қолдириб, Осиёда яна 4-ўринга кўтарилиши кутилмоқда.
Айни пайтда Эрон терма жамоасида 538 очко мавжуд ва улар Уммон билан бўлган ўртоқлик ўйинида 1:3 ҳисобида мағлубиятга учрашди. Форслар янги рейтинг эълон қилингунча, яъни 4 июнь куни Қатар билан расмий ЖЧ саралаш ўйинини ўтказишади. Буни қарангки ушбу ўйинда Эрон ғалаба қозонган тақдирда ҳам, янги рейтингда 537 очкога эга бўлади. Мағлубиятга учрасалар улар ҳисобида 491, дуранг қайд этишса 506 очко бўлади. Ўзбекистон терма жамоаси ўйин ўтказмаган бўлса-да, охирги тўрт йилликдаги натижалардан келиб чиқиб, ҳозирги 521 очкоси таҳминан 550га кўтарилади.
Кўриб турибсизки, ҳар қандай ҳолатда ҳам 6 июнь куни эълон қилинажак янги рейтингда биз яна Эронни қувиб ўтамиз ва Осиёнинг 4-жамоасига айланамиз.
