"Наполи" вингери Хвича Кварацхелия фаолиятини "ПСЖ"да давом эттиради.
Грузиялик футболчи аллақачон неаполликлар билан хайрлашган. У Лига 1 гиганти билан 2029 йилгача мўлжалланган шартномани келишиб олди. Журналист Бен Жейкобснинг таъкидлашича, келишув тахминан 70 миллион евро ва бонусларга тўғри келади, аммо тахминан олти ой олдин "ПСЖ" футболчи учун анча кўпроқ - 120 миллион евро таклиф қилганди. Ўшанда "Наполи" рад жавобини берди.
Яқинда неаполликлар бош мураббийи Антонио Конте Хвича Кварацхелияни қолишга ишонтиришга умид қилганини, аммо бунга эриша олмаганини тан олди.
Яқин кунларда трансфер расман тасдиқланади.
