"Napoli" vingeri Xvicha Kvarasxeliya faoliyatini "PSJ"da davom ettiradi.
Gruziyalik futbolchi allaqachon neapolliklar bilan xayrlashgan. U Liga 1 giganti bilan 2029 yilgacha mo‘ljallangan shartnomani kelishib oldi. Jurnalist Ben Jeykobsning ta’kidlashicha, kelishuv taxminan 70 million yevro va bonuslarga to‘g‘ri keladi, ammo taxminan olti oy oldin "PSJ" futbolchi uchun ancha ko‘proq - 120 million yevro taklif qilgandi. O‘shanda "Napoli" rad javobini berdi.
Yaqinda neapolliklar bosh murabbiyi Antonio Konte Xvicha Kvarasxeliyani qolishga ishontirishga umid qilganini, ammo bunga erisha olmaganini tan oldi.
Yaqin kunlarda transfer rasman tasdiqlanadi.













