"Милан" Жоау Феликсни ижарага олмоқчи.
Журналист Жанлука Ди Марцио хабарига кўра, "россонерилар" "Челси" ярим ҳимоячиси бўйича дастлабки суриштирув ўтказган.
Португалиялик футболчининг ўйин услуби "Милан" бош мураббийи Сержиу Консейсауга ёқади. "Манчестер Юнайтед"дан Маркус Рэшфордни қўлга киритишдаги қийинчиликларни инобатга олиб, у муқобил номзод сифатида кўрилмоқда.
Таъкидланишича, "Челси" ҳалигача бу трансферга рози бўлмаган, чунки у ижарага бериш имкониятини кўриб чиқмаяпти. Жоаунинг лондонликлар билан шартномаси 2023 йилгача мўлжалланган.
Жорий мавсумда Феликс АПЛда 11 та ўйин ўтказиб, 1 та гол урди ва 1 та голли узатмани амалга оширди.
