Махачқалъанинг «Анжи» клуби Франциянинг «Сент-Этьен» жамоаси ҳужумчиси Пьер-Эмерик Обамеянгга қизиқиш билдирмоқда. Бу ҳақда «Le10sport» нашри хабар тарқатди.

Манбанинг маълум қилишича, махачқалъаликлар Обамеянг учун 25 миллион евро таклиф қилишган. Бу «Сент-Этьен»нинг футболчини сотишга тайёр бўлган нархдан 5 миллион ортиқроқ.

Олдинроқ, «Анжи» футболчига 10 миллион кўтарма пули ва йилига 7 миллион евро маош таклиф қилганди. Бироқ Габон терма жамоаси ҳужумчиси мақсадалари «Анжи»никидан жиддийроқ клубдан таклиф кутаётгани ҳисобига бу таклифга рад жавобини берганди.  «Анжи»дан ташқари ҳужумчига шунингдек, «ПСЖ», «Байер», «Вольфсбург», «Шальке», «Ньюкасл», «Интер», «Рома», «Наполи» ва «Фиорентина» жамоалари ҳам қизиқиш билдиришган.