Афсонавий инглиз ҳужумчиси Алан Ширер "Манчестер Сити" ҳужумчиси Эрлинг Холанд Англия Премьер-лигасида гол уриш бўйича ўзининг рекордини янгилаши мумкинлигини инкор этмади. Аввалроқ норвегиялик футболчи клуб билан шартномасини 2034 йилгача узайтиргани маълум бўлганди.
"Агар у "Манчестер Сити"да шунча вақт қолса, албатта, менинг рекордимни янгилайди, бир кун келиб у янгиланиши аниқ.
Мен туғилишимдан олдин ҳам ажойиб рекордларга эга бўлган ажойиб тўпурарлар бўлган. Шундай экан, бир кун келиб менинг рекордим янгиланади, мен бунга ишончим комил", - деди Ширер BBC билан суҳбатда.
Ширер Премьер-лигада 441 ўйинда 260 та гол урган, бу ҳозирги рекорддир. Холанд 87 ўйинда 79 та гол урган.
