Жон Толкин баҳсли постларга "лайк" босганидан афсусда эканлигини айтди.
АҚШ терма жамоаси ҳимоячиси шу ҳафта "Нью-Йорк Ред Буллс"дан Герьманиянинг "Хольштайн Киль" клубига келиб қўшилди.
Кўп ўтмай, немис клуби Толкин ижтимоий тармоқларда аввалроқ ёққан постлар атрофидаги жанжалга жавоб қайтарди. Постларда гендер идентификатори, коронавирус пандемияси ва фитна назариялари ҳақида сўз борди. "Хольштайн Киль" футболчининг баёнотини эълон қилди, унда у бундан афсусда эканлигини айтди.
"Ижтимоий тармоқлардаги ўтмишдаги фаолиятим одамларга оғриқ ботганидан, ғазаб ёки хафа бўлган бўлиши мумкинлигидан афсусдаман. Менинг бундай ниятим ҳеч қачон бўлмаган. Фурсатдан фойдаланиб, сизни 100 фоиз ишонтириб айтмоқчиманки, мен барча одамларни, уларнинг жинсий ориентацияси ёки жинси кимлигидан қатъи назар, ҳурмат қиламан", — деди Толкин.
Толкин унинг "гомофобик ёки камситувчи фикрлари йўқлигини" қўшимча қилди. Клуб Толкин билан унинг нашрлари ҳақида гаплашганини ва у ҳеч кимни хафа қилмоқчи эмаслигини "аниқ тушунтирганини" айтди.
"Жон клубнинг бағрикенглик ва камситиш ва ирқчиликнинг ҳар қандай шаклига қарши туриш мажбуриятини ўз ичига олган фалсафаси билан ўртоқлашади. Биз Жоннинг трансфери билан нафақат спорт нуқтаи назаридан, балки шахс сифатида ҳам клубимизга муносиб ўйинчини қўлга киритишимизга қатъий ишонамиз", — дейилади клуб баёнотида.
