Мадриднинг "Реал" клуби бош мураббийи Карло Анчелотти "Сельта"га қарши Испания кубоги 1/8 финал учрашуви (5:2) олдидан италиялик мутахассисга нисбатан хуштакбозлик қилган мухлислар норозилигига қарамай, "қаймоқранглилар" раҳбариятининг ёрдамини ҳис қилишини айтди.
"Албатта, Флорентино Перес, Хосе Анхел ("Реал Мадрид" бош директори) ва бутун клуб билан жуда яхши муносабатдаман. Менда ҳеч қандай муаммо йўқ. Мен ҳар доим қўллаб-қувватланаётганимни ҳис қиламан ва бу ердаги охирги кунимгача буни давом эттираман. Бу борада ҳаммаси нарса мукаммал тартибда", - деди Анчелотти Madrid Universal билан суҳбатда.
Анчелоттининг "Реал" билан амалдаги шартномаси 2026 йилнинг ёзига қадар тузилган.
