"Интер" Хорватия терма жамоаси ярим ҳимоячисини сотиб олишга яқин турибди.
Jutranji List нашрининг хабар беришича, яқин кунларда Петар Сучичнинг трансфери бўйича келишув имзоланиши кутилмоқда. Футболчига 5 йиллик шартнома таклиф қилинди, "нерадзуррилар" 21 ёшли футболчининг барча шартларини қабул қилишди. У ёзгача Загребнинг "Динамо"сида қолиши аниқ.
"Интер" Сучич жамоасига 12 миллион евро ва яна 3 миллион бонус таклиф қилди. Хорватия жамоаси ярим ҳимоячини кейинги сотув суммасининг маълум фоизини тўлашни талаб қиладиган бандни киритишга ҳаракат қилмоқда.
Қайд этилишича, Сучичга Дортмунднинг "Боруссия", "Наполи" ва "Атлетико" клублари ҳам қизиқиш билдирган, аммо "Интер" энг фаол бўлган.
Жорий мавсумда Петар Хорватия чемпионатида 12 та ўйин ўтказиб, 1 та гол урди. Ҳозирда у жароҳатидан фориғ бўлмоқда.
