"Манчестер Сити" бош мураббийи Пеп Гвардиола янги форвардни харид қилиш борасидаги фикрлари билан ўртоқлашди.
Маълумки, "шаҳарликлар" Эрлинг Холандга ўринбосар ҳужумчи қидирмоқда. Бу вазифани, эҳтимол, Франкфуртнинг "Айнтрахт" клубидан сотиб олиш арафасида турган Омар Мармуш ўз зиммасига олади.
"Юлдуз ҳужумчилар Холандга ўринбосар сифатида келишмайди. Биз бу ролни ўз зиммасига оладиган ёш футболчи ёки Бобб, Макэйти, Фоден каби ўйинчиларни топишимиз керак. Эҳтимол, Эрлингсиз биз бошқача ўйнаймиз - "сохта тўққизлик" ва ҳ. к. Биз ечим топамиз. Аммо биз бориб, масалан, Мбаппени сотиб ололмаймиз", деди Гвардиола.
