"Наполи" спорт директори лавозимида ишлаётган Жованни Манна грузиялик вингер Хвича Кварацхелиянинг Франциянинг "ПСЖ" клубига ўтиши сабаби ҳақида гапирди.
"Мураббий жамоани яхши тайёрлаган, шунинг учун биз воқеалар ривожига тайёр эдик. Муҳим футболчи клубни тарк этганини ҳамма тушунади. Хвичанинг ўзи уни сотиш илтимоси билан бизга мурожаат қилди. Катта футболчилар келади ва кетади, лекин биз ишлашда давом этамиз", - деди функционер.
Эслатиб ўтамиз, Хвича Париж грандига 70 миллион еврога тушганди. У билан 2029 йилнинг ёзига қадар меҳнат шартномаси имзоланган.
